| 新年假期想做 D 野.......
其實同很多的打工仔一樣, 心想:
"難得有5-6日長假期, 當然想做返D有意義既事情...."
根據以往小弟的經歷, 經過日日夜夜朝九晚九的生活, 放長假期的放縱大作戰只有幾種
1) 不停咁訓
2) 不停咁打機
3) 不停咁煲電視連續劇
4) 不停咁上網
5) 不停咁同人出街唔知做乜 (因為內裡有無限變數)
6) 不停咁打電話
7) 不停咁.....去旅行
但是亦根據小弟的再三實驗, 反省及檢討, 發現以上七種方案有七大漏洞, 令人極度容易患上"放咗等於冇放既後遺症"
1) 不停咁訓
分析: 訓唔係唔好, 但係長假期, 最多比你訓一日....
訓得多又唔可以令你之後返工果幾日可以唔洗訓
2) 不停咁打機
分析: 的確, 打機是可以令精神放鬆, 可惜萬一打得太過火, 就物極必反,
A)打機是很費神的活動, 打完機的人精神很難集中,
B) 家人見你時常打遊戲機, 必定"温馨提示"一番,
在巨大的家庭精神壓力底下將會令你得不嘗失.....
3) 不停咁煲電視連續劇
分析: 這是我最喜歡的一項活動之一, 因為看完一套長篇電視劇是十分有滿足感的,
但是好境不常. 因應現在的電視劇質數非常之低.....
難得有令我看完有滿足感, 加上家人因素, 仍舊在家人"温馨提示 "的大壓力下,
這一個方案十分危險, 萬一看了一套典型無線電視劇令人"媽媽聲"的結局,
只會浪了難得的假期, 風險過高!
4) 不停咁上網
分析:.........日日返工上網仲唔夠咩.......仲上!?....
我見到個 IE 都想死, 冇電腦會死咩!!!!!!!
5) 不停咁同人出街唔知做乜 (因為內裡有無限變數)
分析: 因為在下還是孤家寡人的情況之下, 約人出街變得好"很有意思",
但是.....約一大班朋友又要就呢個, 又要就果個,
約一班人出黎分分鐘仲累過返工, 事因面對既都係一大班"老細",
約女仔出街.......約既就唔係老細咁簡單, 係約"大帝"咁....,
在"唔想累過返工"既大原則底下.....都係咪攪....
6) 不停咁打電話
分折: 男仔.....冇la........仲細咩......
7) 不停咁.....去旅行
分析:同 5 係一樣, 約人去係好辛苦, 因小弟一向都係辛苦命....旅行一般都係計劃行程,
隊伍指揮那一類人, 加上, 因為我又冇乜興趣去內地,
去東南亞+歐洲又去過曬, 去美國又假期太短.....
總之兩難la...有時去得旅行......有時都會好累
ai......到底長假期做咩好呢......
看來只睇書la......
A) 睇到眼訓可以訓
B) 家人一定覺得你很上進, 家庭氣氛在不用提示的情況下乃可以保持温馨
C) 看完必有滿足感
D) 對住本書一個人係房, 你就係大帝.........
我實行咗幾日, 你會發現我近來精神咗, 訓多咗好多.
|
